الحب
الحب..
كلمة بنسمعها كلنا وديماً بتتردد على لسانا..
وديماً بيكون داخل قلبنا إحساس بالحب ومحفور جوه مشاعرنا ..
ديما بالنا مشغول به وديماً أفكارنا حواليه بتسأل .. يا ترى هنلاقي الحب؟ طب إذا لاقيناه هيكملنا صحيح زي ما بيقولوا؟
طب هيعيش الحب دا؟ هيدوم؟ مش لازم يكبر .. أنا بقول هيدوم؟
ويا ترى اللي هحبه/ها .. هو/هي هنتبادل سوا نفس الحب دا؟
عقلنا وقلبنا ديماً متعلق بحكايات الحب والحاجه للإحساس به .. وإننا نعيشه ونمر به وبلحظاته .. ونعيش مع أحلامه كل ليلة سواء بالفارس أبو حصان أبيض من واحنا صغيرين للحضن الدافي اللي ديماً نلجأ له ونتخبى فيه طول شبابنا لحد واحنا سوا معجزين ..
ودا كله بنتمناه من غير ما نعرف إيه معنى الحب أو إذا جلنا إزاي نتعامل معاه ونحافظ عليه ..
الحب بيجي في لحظات واحنا مش حاسين، وبيعيش في قلوبنا من غير ما نشعر به، وفجأة مش بنستشعره إلا بعد ما نحس إنه بيبعد أو بيميل لقلب تاني حس به وطلعه للضي وبقلبه ضلل عليه ..
الحب..
إحساس بالأمان .. مش ديماً خوف لفقدان الحبيب وضياعه ..
وإنك تضطر عشان تحافظ عليه وتحميه إنك تضغط على نفسك وتلبي كل احتياج له على حساب حالك وحياتك ومشاعرك ..
الحب توازن وكمال، الحب هو الإطمئنان ..
ونصيحة مني لكم :
"إن جالك الحب وقلبك دق .. إياك إياك تفرط فيه"..
عن الحب الحقيقي...
أحدثكم..
تعليقات
إرسال تعليق