من رباعية ( أنا وأنت )

- ليه مصره تكرهيني فيكي؟
  أنا كدا وهفضل كدا ..

- وذنبي إيه؟
  ذنبك إنك مش راضي تسيبني ..

- من صغري فتحت عنيا عليكي وحبيتك ..
  خلاص، يبقى حاول تكرهني ..

- واكرهك ليه؟ وانتي حبيبتي، أمي ووطني!!
  ودا مش كافي عشان اغير معاملتي معاك ..

- ممكن تضحكي في وشي شويه؟
ازاي عايزني اضحك!! بعد ما باعوني وانت أولهم ..
- مكنش بإيدي!

- قالولك مصلحتي معاه، مش كدا؟
  قالولي الحب حرية، وأنا ما كان بإيدي لا عيش ولا حرية ولا ميه ..

- مفكرتش للحظه هكون ازاي؟
  اتمنيتك جنة الدنيا ..

- أنا دلوقت ملك المال، ادفع تاخد غير كدا اهجر وغادر ..
  ازاي اغادر؟ أنا منك وانتي مني ..

- ليا رب كريم، اسمه الرحيم ..
  ارحميني!! سبيني أعيش جنبك متهني ..

- يوم ما كتبتم كتابي على سفاح، محدش نجدني، صرخت ومات من الصرخه كتير ولا حد سمعلي ..
دلوقت جايلي طالب الرحمه! بعد ما بقى عرضي المال ..

- عرضك مصان!

- هههههههههههههههههه، أنا المال ، أنا الحكم ، أنا السلطه ، أنا السلطان والكل في أرضي عبيد بالسخرة ..