الماضي والمستقبل .. وما بينهما

ديماً لما بيكون للواحد ماضي مؤلم ، بتلاقي الكل بينصحوه بالنسيان ، وإنه لازم يبطل يفكر في اللي فات ..
اعتقد إنه لازم ناخد نص كلامهم في الاعتبار ، ونعطيه أهمية كبيره ..
إنه لازم نبطل نفكر في اللي فات ، لكن إياك تقع في فخ إنك تنساه ..
نسيانك لكل آلام ماضيك ، هو بالضبط سبب نسيانك انك تاخد علاج الحاضر ، وعشان كدا هو هيكون سبب تدهور مستقبلك ..
افتكر ديما ان كل حاجه سببت ليك زمان ألم كبير ، هي هي نفس الحاجه اللي هتحفزك دلوقتي ، بإنك تصنع المستقبل اللي جاي ..
اعرف انك أيون مش لازم تنسى ، لكن بردو خلي بالك من حفره اكيد لازم يا هتقع فيها يا هتقف قدامها محتار تعدي ازاي ، وهي انك تنشغل بالتفكير بالماضي بحجة انه سبب الألم والوجع اللي إنت حاسس بيه دلوقت ومعذبك ومغربك عن الدنيا الجميلة اللي بتتمناها ..
اعرف إن دي حفرة هتمر بيها ، ولازم تعديها ، بإنك تكون عارف انك تقدر تغير الواقع بإيدك ، حط مستقبلك في عقلك وتحتيه مصادرك ومن ضمنها ماضيك بألمه واوجعانه ، لكن من غير ماتلهيك ..
قالوا زمان " من نسى أصله تاه " ..
الجملة دي حطها ديماً في عقلك ، وخد بالك من معناها والرسالة اللي حابه توصلها ليك ..
الجملة دي معناها رايح لبعيد شويه ، بعيد عن الأهل والصحاب والجيران والبلد اللي انت جيت منها ، الجملة دي راحت لبعيد لدرجة انها وصلتلك للحظة اللي اتولدت فيها وخرجت من رحم ولدتك من غير ما تدرك دا ..
الجملة دي راحت لأيام تعبت فيها ونمت وانت جعان ومحتاج ، نمت وانت سقعان ، نمت وانت بتعيط بدل الدموع دم من ناس تركتك وحيد ، وغدرت بيك ..
الجملة دي بعدت لدرجة انها فكرتك بأول حاجه جبتها لنفسك بعد ما تعبت وهلكت عشان توفر تمنها ، مهما كانت رخيصه ، بس كان نفسك فيها وجبتها ..
الجملة دي ديما بتفكرك كنت فين وبقيت فين ، وهتساعدك توصل لإيه ..
فقط : « عش لدنياك كأنك تعيش ابدا ، واعمل لآخرتك وكأنك ميت غدا » ..
_______________________________________________
وفي نهاية كل اللي كتبته ، لازم تعرفوا ان دا كلام ، وهيفضل على حاله كلام ..
بس لو عملت له اعتبار واخدته وطبقته صح ، هيوصل بيك لحياة جديدة عمرك ما كنت في يوم تتخيل انك انت اللي بانيها ..